Mahabreaking

[breaking_news]

Prataprao Jadhav:  प्रतापराव जाधव यांच्या आवाहनाला प्रतिसाद; जिल्हाधिकारी कार्यालयात भगवान धन्वंतरीचे पूजन

Prataprao Jadhav: धनत्रयोदशीच्या पावन पर्वानिमित्त आरोग्य देवता भगवान धन्वंतरी यांचे पूजन करावे, असे आवाहन केंद्रीय आयुष राज्यमंत्री प्रतापराव जाधव यांनी केले होते. त्यांच्या या आवाहनाला प्रतिसाद देत बुलढाणा येथील जिल्हाधिकारी कार्यालय परिसरातील केंद्रीय राज्यमंत्री प्रतापराव जाधव यांच्या खासदार सुविधा कार्यालयात जिल्हाधिकारी डॉ. प्रवीण देवरे यांच्या उपस्थितीत भगवान धन्वंतरी यांचे विधिवत पूजन करण्यात आले.

Prataprao Jadhav

  धन्वंतरी पूजनातून निरोगी जीवनशैलीचा संदेश; जिल्हाधिकारी डॉ. प्रवीण देवरे यांची उपस्थिती

बुलढाणा : धनत्रयोदशीच्या पावन पर्वानिमित्त आरोग्य देवता भगवान धन्वंतरी यांचे पूजन करावे, असे आवाहन केंद्रीय आयुष राज्यमंत्री प्रतापराव जाधव यांनी केले होते. त्यांच्या या आवाहनाला प्रतिसाद देत बुलढाणा येथील जिल्हाधिकारी कार्यालय परिसरातील केंद्रीय राज्यमंत्री प्रतापराव जाधव यांच्या खासदार सुविधा कार्यालयात जिल्हाधिकारी डॉ. प्रवीण देवरे यांच्या उपस्थितीत भगवान धन्वंतरी यांचे विधिवत पूजन करण्यात आले.

यावेळी जिल्हा परिषदेचे मुख्य कार्यकारी अधिकारी भालचंद्र चव्हाण, निवासी उपजिल्हाधिकारी सुरेश कव्हळे, राजमाता जिजाऊ शासकीय वैद्यकीय महाविद्यालयाचे अधिष्ठाता डॉ. कैलास झिने, जिल्हा आरोग्य अधिकारी डॉ. रणजीत मंडाले, रुग्णालयाचे अधीक्षक डॉ. प्रशांत पाटील, डॉ. राहुल मेहेत्रे, डॉ. दुर्गासिंग जाधव, नगरसेवक विजय जायभाये, गजू सुरडकर, केंद्रीय आयुष राज्यमंत्री प्रतापराव जाधव यांचे खासगी स्वीय सहाय्यक डॉ. गोपाल डिके, चंद्रकांत काटकर, युवराज वाघ, राजू भोर, अभिजीत चव्हाण यांच्यासह वैद्यकीय व सामाजिक क्षेत्रातील मान्यवर उपस्थित होते.

भगवान धन्वंतरी यांना आयुर्वेद आणि आरोग्याचे अधिष्ठाता मानले जाते. धनत्रयोदशीच्या निमित्ताने करण्यात आलेल्या या पूजनातून आरोग्याचे महत्त्व अधोरेखित करण्यात आले. तसेच निरोगी जीवनशैलीचा अंगीकार, आरोग्य संवर्धन आणि भारतीय पारंपरिक वैद्यकीय ज्ञानाचे महत्त्व सर्वसामान्यांपर्यंत पोहोचविण्याचा संदेश यावेळी देण्यात आला.

Leave a Comment

Your email address will not be published. Required fields are marked *

error: Content is protected !!
Scroll to Top