Mahabreaking

[breaking_news]

Pregnant woman :गर्भवती महिलेला उपचारासाठी वणवण; पळसोबढे प्राथमिक आरोग्य केंद्राच्या २४ तास सेवेवर प्रश्नचिन्ह!

Pregnant woman : तालुक्यातील पळसोबढे येथील प्राथमिक आरोग्य केंद्रात रुग्णांना २४ तास वैद्यकीय सेवा उपलब्ध होत नसल्याचा गंभीर आरोप करण्यात आला आहे. वैद्यकीय अधिकारी आणि कर्मचाऱ्यांच्या कथित हलगर्जीपणामुळे एका गर्भवती महिलेला उपचारासाठी मोठ्या अडचणींचा सामना करावा लागल्याची तक्रार ऑल इंडिया मजलिस-ए-इंकलाब-ए-मिल्लत (AIMIM) पक्षाचे अकोला जिल्हाध्यक्ष शब्बीर शाह हाजी मोहम्मद शाह यांनी केली आहे.

pregnant

  प्राथमिक आरोग्य केंद्रातच आरोग्यसेवेचा बोजवारा? गर्भवती महिलेच्या हालअपेष्टांनंतर प्रशासनाकडे तक्रार

आगाखान पठाण

अकोला : तालुक्यातील पळसोबढे येथील प्राथमिक आरोग्य केंद्रात रुग्णांना २४ तास वैद्यकीय सेवा उपलब्ध होत नसल्याचा गंभीर आरोप करण्यात आला आहे. वैद्यकीय अधिकारी आणि कर्मचाऱ्यांच्या कथित हलगर्जीपणामुळे एका गर्भवती महिलेला उपचारासाठी मोठ्या अडचणींचा सामना करावा लागल्याची तक्रार ऑल इंडिया मजलिस-ए-इंकलाब-ए-मिल्लत (AIMIM) पक्षाचे अकोला जिल्हाध्यक्ष शब्बीर शाह हाजी मोहम्मद शाह यांनी केली आहे.

या प्रकरणी ३० ऑक्टोबर २०२६ रोजी जिल्हाधिकारी, जिल्हा आरोग्य अधिकारी तसेच जिल्हा परिषदेचे मुख्य कार्यकारी अधिकारी यांच्याकडे लेखी निवेदन सादर करून संबंधित आरोग्य केंद्रातील कारभाराची चौकशी करण्याची मागणी करण्यात आली आहे.

निवेदनात नमूद केल्यानुसार, बोरगाव मंजू येथील रहिवासी शब्बीर शाह हाजी मोहम्मद शाह यांच्या पत्नी शबाना बी. यांना प्रसूतीसाठी ७ ऑक्टोबर २०२६ रोजी सायंकाळी पळसोबडे प्राथमिक आरोग्य केंद्रात नेण्यात आले होते. मात्र, संबंधित आरोग्य केंद्रात प्रसूती करता येणार नसल्याचे सांगण्यात आल्याचा आरोप तक्रारदाराने केला आहे. त्यानंतर संबंधित वैद्यकीय अधिकाऱ्यांशी संपर्क साधण्याचा प्रयत्न करूनही अपेक्षित मदत मिळाली नसल्याचे निवेदनात म्हटले आहे.

दरम्यान, गर्भवती महिलेला पुढील उपचारासाठी हलविताना रुग्णवाहिकेच्या उपलब्धतेबाबतही अडचणी निर्माण झाल्याचा आरोप करण्यात आला आहे. अखेर महिलेला अकोला येथील जिल्हा महिला रुग्णालयात दाखल करण्यात आले. तेथून ७ ऑक्टोबर रोजी सुटी मिळाल्यानंतर १० ऑक्टोबर रोजी पुन्हा प्रकृती बिघडल्याने त्यांना अकोला येथील लेडी हार्डिंग रुग्णालयात दाखल करावे लागल्याचे निवेदनात नमूद करण्यात आले आहे.

पळसोबडे प्राथमिक आरोग्य केंद्रात वैद्यकीय अधिकारी आणि कर्मचारी नियुक्त असतानाही रुग्णांना २४ तास वैद्यकीय सेवा मिळत नसल्याचा आरोप तक्रारदाराने केला आहे. रुग्णांनी आरोग्य सेवेसंदर्भात विचारणा केल्यास त्यांना समाधानकारक उत्तरेही मिळत नसल्याची तक्रार निवेदनातून करण्यात आली आहे.

या संपूर्ण प्रकरणाची सखोल चौकशी करून दोषी आढळणाऱ्या वैद्यकीय अधिकारी व कर्मचाऱ्यांवर योग्य ती कारवाई करावी, तसेच पळसोबडे प्राथमिक आरोग्य केंद्रात रुग्णांना नियमितपणे २४ तास वैद्यकीय सेवा उपलब्ध करून द्यावी, अशी मागणी शब्बीर शाह हाजी मोहम्मद शाह यांनी निवेदनाद्वारे केली आहे.

ग्रामीण भागातील नागरिकांच्या आरोग्याचा प्रश्न ऐरणीवर आला असताना प्राथमिक आरोग्य केंद्रातील सेवांबाबत झालेल्या या तक्रारीची जिल्हा प्रशासन आणि आरोग्य विभाग कितपत गांभीर्याने दखल घेतात, याकडे परिसरातील नागरिकांचे लक्ष लागले आहे.

Leave a Comment

Your email address will not be published. Required fields are marked *

error: Content is protected !!
Scroll to Top