lineage :सौंदर्य, वंशाचा गर्व कशासाठी? माणूस मोठा होतो तो नम्रतेने!

lineage : माणसाचे खरे सौंदर्य त्याच्या चेहऱ्यात नसून आचरणात असते. कुटुंब, वंश, संपत्ती, रूप किंवा प्रतिष्ठेचा गर्व माणसाला मोठेपण देत नाही; उलट अहंकार माणसाच्या व्यक्तिमत्त्वाला आतून पोखरत जातो. नम्रता, चांगले चारित्र्य आणि इतरांशी आदराने वागणे हेच माणसाच्या खऱ्या मोठेपणाचे लक्षण आहे, असा जीवनाला स्पर्श करणारा संदेश शुक्रवार, दि. २ ऑक्टोबर रोजी कागजीपुरा मस्जिद, बलदार हाफिज येथे झालेल्या जुम्म्याच्या बयानातून देण्यात आला.

  रूप, वंश नव्हे; चारित्र्य आणि नम्रतेतच माणसाचे खरे मोठेपण, मौलाना इस्माईल इशाआती यांचे जुम्म्याच्या बयानातून मार्गदर्शन

बाळापूर : माणसाचे खरे सौंदर्य त्याच्या चेहऱ्यात नसून आचरणात असते. कुटुंब, वंश, संपत्ती, रूप किंवा प्रतिष्ठेचा गर्व माणसाला मोठेपण देत नाही; उलट अहंकार माणसाच्या व्यक्तिमत्त्वाला आतून पोखरत जातो. नम्रता, चांगले चारित्र्य आणि इतरांशी आदराने वागणे हेच माणसाच्या खऱ्या मोठेपणाचे लक्षण आहे, असा जीवनाला स्पर्श करणारा संदेश शुक्रवार, दि. २ ऑक्टोबर रोजी कागजीपुरा मस्जिद, बलदार हाफिज येथे झालेल्या जुम्म्याच्या बयानातून देण्यात आला.

मस्जिदचे इमाम व खतीब मौलाना इस्माईल इशाआती यांनी जुम्म्याच्या बयान व खुतब्यात ‘एक चांगला इंसान बनण्यासाठी कोणत्या सहा गोष्टींपासून दूर राहावे?’ या विषयावर मार्गदर्शन केले. यातील चौथ्या मुद्द्यात सौंदर्य, वंश आणि कुटुंबाच्या प्रतिष्ठेचा गर्व व अहंकार यावर विशेष प्रकाश टाकण्यात आला.

माणसाला आपल्या रूपाचा, खानदानी पार्श्वभूमीचा किंवा कुटुंबाच्या प्रतिष्ठेचा अभिमान असणे आणि त्याच गोष्टींचा अहंकार बाळगून इतरांना कमी लेखणे, यात मोठा फरक आहे, असे बयानातून स्पष्ट करण्यात आले. माणसाची खरी ओळख त्याच्या जन्माने नव्हे, तर त्याच्या चारित्र्याने, नम्रतेने, वागणुकीने आणि समाजातील व्यवहाराने निर्माण होते, यावर यावेळी भर देण्यात आला.

आजच्या काळात बाह्य सौंदर्य, सामाजिक प्रतिष्ठा आणि कौटुंबिक ओळख यांना अनावश्यक महत्त्व दिले जाते. मात्र, या गोष्टी क्षणभंगुर असून माणसाच्या चांगल्या कृती, सद्वर्तन आणि माणुसकीतूनच त्याची खरी ओळख निर्माण होते, असा संवेदनशील संदेश उपस्थित नमाज्यांना देण्यात आला.

बयानाचा परिणाम; जुम्म्याच्या नमाजासाठी वाढतेय गर्दी

कागजीपुरा मस्जिद, बलदार हाफिज येथे मौलाना इस्माईल इशाआती यांच्या जुम्म्याच्या बयानाला आणि खुतब्याला शहरातील विविध भागांतून नमाजी नियमितपणे उपस्थित राहत असल्याचे दिसून येत आहे. दर आठवड्याला त्यांच्या मागे जुम्म्याची नमाज अदा करण्यासाठी येणाऱ्या नमाज्यांच्या संख्येत साधारणपणे दोन ते तीन जणांची वाढ होत असल्याची माहिती आहे.

धार्मिक उपदेश केवळ ऐकून न राहता तो आपल्या दैनंदिन जीवनात आचरणात आणण्याचा प्रयत्न केला, तर समाजातील नातेसंबंध, परस्पर सन्मान आणि माणुसकी अधिक मजबूत होऊ शकते, हा संदेश या शुक्रवारच्या बयानातून अधोरेखित झाला.