Install the transformer: रोहीत्र बसवा, अन्यथा टाकीवरून उतरणार नाही’; दीपक गायकवाड यांचे जलजीवन मिशनविरोधात आंदोलन

Install the transformer: जलजीवन मिशन योजनेंतर्गत नागापूर येथे उभारण्यात आलेल्या पाण्याच्या टाकीवर वीजपुरवठ्यासाठी रोहीत्र (ट्रान्सफॉर्मर) बसविण्यात यावे, तसेच योजनेतील निकृष्ट दर्जाच्या कामाची आणि टाकीतून होत असलेल्या पाणीगळतीची चौकशी करण्यात यावी, या मागण्यांसाठी गांधी जयंतीचे औचित्य साधून शिवसेना (उद्धव बाळासाहेब ठाकरे) गटाचे विभागप्रमुख दीपक गायकवाड यांनी थेट पाण्याच्या टाकीवर चढून आंदोलन केले.

 निकृष्ट काम अन् पाणीगळतीचा आरोप; पाण्याच्या टाकीवर चढून दीपक गायकवाड यांचा प्रशासनाला इशारा

डोणगाव : जलजीवन मिशन योजनेंतर्गत नागापूर येथे उभारण्यात आलेल्या पाण्याच्या टाकीवर वीजपुरवठ्यासाठी रोहीत्र (ट्रान्सफॉर्मर) बसविण्यात यावे, तसेच योजनेतील निकृष्ट दर्जाच्या कामाची आणि टाकीतून होत असलेल्या पाणीगळतीची चौकशी करण्यात यावी, या मागण्यांसाठी गांधी जयंतीचे औचित्य साधून शिवसेना (उद्धव बाळासाहेब ठाकरे) गटाचे विभागप्रमुख दीपक गायकवाड यांनी थेट पाण्याच्या टाकीवर चढून आंदोलन केले.

जोपर्यंत प्रत्यक्ष रोहीत्र बसविण्यात येत नाही, तोपर्यंत टाकीवरून खाली उतरणार नाही आणि आंदोलन मागे घेणार नाही, असा आक्रमक इशारा दीपक गायकवाड यांनी दिला. तसेच दुपारपर्यंत रोहीत्र न बसविल्यास पाण्याच्या टाकीवरून उडी मारण्याचा इशाराही त्यांनी दिल्याने प्रशासनाची चांगलीच धांदल उडाली.

जलजीवन मिशन योजनेंतर्गत नागापूर येथे ग्रामस्थांच्या पिण्याच्या पाण्याची गरज भागविण्यासाठी पाण्याची टाकी उभारण्यात आली आहे. मात्र, या योजनेचे काम अत्यंत निकृष्ट दर्जाचे झाल्याचा आरोप करण्यात येत असून, नवनिर्मित पाण्याच्या टाकीतून मोठ्या प्रमाणावर पाणीगळती होत असल्याचे आंदोलनकर्त्यांचे म्हणणे आहे. त्यातच वीजपुरवठ्यासाठी आवश्यक असलेले रोहीत्र अद्याप बसविण्यात आलेले नसल्याने पाणीपुरवठा योजना कार्यान्वित झालेली नाही.

प्रशासनाच्या दिरंगाईचा आणि कथित भोंगळ कारभाराचा निषेध करण्यासाठी दीपक गायकवाड यांनी महात्मा गांधी यांच्या जयंतीदिनी थेट पाण्याच्या टाकीवर चढून आंदोलन केले. त्यांच्या या आंदोलनामुळे परिसरात मोठी गर्दी झाली.

आंदोलनस्थळी जमलेल्या कार्यकर्त्यांनी प्रशासनाविरोधात जोरदार घोषणाबाजी केली. जलजीवन मिशनअंतर्गत झालेल्या कामाची उच्चस्तरीय चौकशी करण्यात यावी, टाकीतून होत असलेल्या पाणीगळतीची पाहणी करून दोषींवर कारवाई करावी आणि तातडीने रोहीत्र बसवून नागापूर ग्रामस्थांना पिण्याच्या पाण्याचा सुरळीत पुरवठा सुरू करावा, अशी मागणी दीपक गायकवाड यांनी केली.

दरम्यान, आंदोलनाची माहिती मिळताच संबंधित प्रशासनाच्या अधिकाऱ्यांनी घटनास्थळी धाव घेण्याची तयारी सुरू केली. अधिकारी घटनास्थळी दाखल होऊन मागण्यांबाबत ठोस कार्यवाही करेपर्यंत आंदोलन सुरूच ठेवण्याचा निर्धार दीपक गायकवाड यांनी व्यक्त केला आहे.