accident on Samriddhi : भरधाव कार समोरच्या ट्रकवर आदळल्याने एक जागीच ठार तर एक जण गंभीर जखमी झाला.हा अपघात
समृद्धी महामार्गावर फरदापुर उपकेंद्र हद्दीत १० नोव्हेंबर रोजी सायंकाळी झाला.
फकिरा पठाण
मलकापूर पांग्रा : भरधाव कार समोरच्या ट्रकवर आदळल्याने एक जागीच ठार तर एक जण गंभीर जखमी झाला.हा अपघात
समृद्धी महामार्गावर फरदापुर उपकेंद्र हद्दीत १० नोव्हेंबर रोजी सायंकाळी झाला.
महामार्ग पोलीस उपकेंद्र फरदापुरच्या माहितीनुसार, चैनेज क्रमांक २९८.०१ या ठिकाणी नागपूर दिशेने जाणारी स्कार्पिओ (MH31GA6091) ही कार समोरील ट्रक (MH43BP7185) ला मागून धडकली. या अपघातात नावेद शामिया अब्बास (वय ४५, रा. नागपूर) यांचा जागीच मृत्यू झाला, तर कार चालक बिलाल जफर अब्बास (वय ३८, रा. नागपूर) हा गंभीर जखमी झाला आहे.
घटनास्थळी महामार्ग पोलीस उपकेंद्र फरदापुरचे पीएसआय जितेंद्र राऊत, हेडकॉन्स्टेबल ९८७ व पोलिस शिपाई ६९७ हे कर्मचारी तात्काळ दाखल झाले. त्यांनी मृत आणि जखमींना ॲम्बुलन्समधून रुग्णालयात हलविले. अपघातग्रस्त वाहने बाजूला करून महामार्गावरील वाहतूक सुरळीत करण्यात आली आहे.
या अपघातामुळे परिसरात काही वेळ वाहतूक कोंडी झाली होती; मात्र पोलिसांनी तातडीने परिस्थिती नियंत्रणात आणली. अपघातस्थळी मेहकर पोलीस ठाण्याचे अधिकारी व कर्मचारी हजर होते.
पुढील तपास महामार्ग पोलीस उपकेंद्र फरदापुर येथील पीएसआय जितेंद्र राऊत यांच्या मार्गदर्शनाखाली सुरू आहे.
